Ўзбекистон Суперлигаси 6-тури доирасида ўз уйида «Металлург»ни қийинчилик билан 4:3 ҳисобида мағлуб этган «Пахтакор» клуби устози Максим Шацких ўйин ҳақида фикр билдирди.

"Ўйин мухлисларга ёқди дея оламан. Аммо, бундай ўйинларда мураббийларга қийин. Айниқса, сўнгги дақиқаларда жуда асабийлашдим. Ҳисоб 3:1 бўлиб турганда иккита юз фоизлик имкониятни бой бердик. Бу футболчиларнинг индивидуал маҳорати билан боғлиқ.

Рақиб иккинчи голни киритган вақтда яна асабийлашишга тўғри келди. Яхшиям, кейинчалик тўртинчи голни ҳам урдик ва бироз ўзимизни ўнглаб олдик. Танаффусдан сўнг бироз ўзимизга келиб олишимиз керак эди. Қолаверса, терма жамоалардаги ўйинчиларимиз сафга қайтишди. Энди натижаларимиз ҳам яхши томонга ўзгаради деб умид қиламан».