Марказий ҳужумчи Келечи Ихеначо жорий мавсум якунида “Лестер”ни тарк этишга яқин турибди.
Манбага кўра, томонлар июнь ойи охирида муддати тугайдиган ҳамкорликни янгилаш ниятида эмас. Шу тариқа, 27 ёшли нигериялик эркин агент сифатида жамоани тарк этади.
Ихеначо "Лестер"да 2017 йилнинг августидан буён ўйнамоқда. Transfermarkt портали экспертлари футболчининг бозор қийматини 13 миллион еврога баҳоламоқда.
Чемпионатнинг 2023/2024 йилги мавсумида Келечи 23 та ўйин ўтказди. Ҳужумчи бешта гол урди ва битта голли узатмани амалга оширди.