"Бавария" бош мураббийи Томас Тухель келаси мавсум қаерда ишлаши ҳақидаги саволга жавоб берди. Эслатиб ўтамиз, жорий мавсум якунлангач, германиялик мутахассис ўз жамоасини тарк этади.
“Кейинги мавсумда қаерда ишлайман? "Бавария"да қолишим даргумон. Айтишим керакки, биз ҳамкорликни тўхтатиш бўйича келишувга эришдик. Энди бу келишувни шубҳа остига қўйишга асосим йўқ. Биз бу борада келишиб олдик, ташаббус клубдан чиқди, лекин менда ҳаммаси яхши”, - деди Тухель матбуот анжуманида.
Аввалроқ Томас "Манчестер Юнайтед"да мураббийлик қилиши мумкинлиги ҳақида хабарлар тарқалган эди.
