Ливан давлатининг номи яҳудийча "Лебанон" сўзидан келиб чиқиб, "оқ тоғлар" деган маънони англатади. Ливан терма жамоасининг лақаби - "қарағайлар" бўлиб, мамлакат байроғидаги қарағай дарахти рамзидан келиб чиққан.

Ливан терма жамоасининг футболдаги энг катта ютуғи сифатида 2000 йили айнан шу мамлакатда бўлиб ўтган Осиё кубоги баҳсларининг гуруҳ босқичида қатнашганини айтишимиз мумкин.

Ўзбекистон терма жамоаси шу кунгача Ливан билан 3 марта куч синашиб, 2 ғалаба ва 1 дурангга эришган. Тўплар нисбати 5-1, бизнинг фойдамизга.

1. 06.02.2008. Байрут. Ливан - Ўзбекистон - 0:1. ЖЧ-2010 саралаш учрашуви
2. 14.06.2008. Тошкент. Ўзбекистон – Ливан – 3:0. ЖЧ-2010 саралаш учрашуви
3. 08.06.2012. Байрут. Ливан – Ўзбекистон – 1:1. ЖЧ-2014 саралаш учрашуви

Ливаннинг бугунги ютуқлари германиялик мураббий Теодор Бюкер номи билан боғлиқ. Айнан унинг бошчлигида Ливан ушбу саралаш босқичида БАА (3:1), Ж.Корея (2:1), Кувайт (1:0) ва Эронни (1:0) мағлуб эта олган. Ливан - жиддий рақиб.

Терма жамоамиз футболчиларидан Жепаров, Нестеров, Ахмедов, В.Денисов, Кападзе, Бикмаев ва Карпенко Ливанга қарши барча 3 ўйинда майдонга тушишган.

Одил Аҳмедовни эса том маънода Ливаннинг "кушандаси" дейишимиз мумкин. У "қарағайлар" дарвозасини 3 марта ишғол эта олган.