2000-йилда "Барселона" Лионель Мессини академияга жалб қилишнинг мақсадга мувофиқлигига ишончи комил эмас эди.
Бироқ агент Орасио Гаджоли Каталония клуби директори Карлес Решакка иқтидорли футболчини бошқа клубларга таклиф қилишини, Месси эса “Реал Мадрид” академиясига тушиши мумкинлигини айтди.
"Барселона" вакили истиқболли футболчини йўқотишга йўл қўймоқчи эмасди, бироқ айни пайтда тўлиқ ҳужжат расмийлаштиришга улгурмади.
Кейин Решак салфеткани олди ва унга клубнинг томонлар келишиб олган молиявий шартларни сақлаб қолган ҳолда Месси билан шартнома имзолаш мажбуриятини ёзди.
Эндиликда, Goal порталининг хабар беришича, Гаджоли салфеткани аукционга қўйган. Савдолар 220 минг фунт стерлингдан бошланди. Якуний миқдор 300 мингдан ошиши ва ҳатто ярим миллионга етиши ҳам кутилмоқда.