"Бока Хуниорс" Судамерикана кубогининг 4-турида "Спортиво Триниденс"ни мағлуб этди - 2:1.
Парагвай жамоаси биринчи бўлим охирида олдинга чиқиб олди – гол Брайан Андрада томонидан урилди, у танаффусдан сўнг дарҳол иккинчи сариқ карточка олиб майдондан четлатилди. 69-дақиқада аргентиналиклар ҳисобни тенглаштиришди. Ғалаба голини қўшиб берилган вақтнинг 2-дақиқасида “ПСЖ” ва “Манчестер Юнайтед” собиқ ҳужумчиси Эдинсон Кавани жарима зарбасидан киритди.
“Бока Хуниорс” 7 очко билан “D” гуруҳида иккинчи ўринда, “Спортиво Триниденс” эса 3 очко билан охирги ўринда бормоқда.
