"Реал Мадрид" мухлислари "Бавария"га қарши ўйинда Хоселунинг ўйинига юқори баҳо беришди.
Мадрид клуби Чемпионлар лигаси ярим финалининг жавоб учрашувида 2:1 ҳисобида ғалаба қозониб, финалга йўл олди. 34 ёшли форвард захирадан майдонга тушди ва 88 ва 91-дақиқаларда гол уриб, дубль қайд этди.
Стадион ташқарисида турнир финалига чиққанини нишонлаётган мухлислар Хоселуга “Олтин тўп”, “Олтин тўп!” дея ҳайқиришди.
Турнирнинг финал учрашувида Мадриднинг “Реал” клуби Дортмунднинг “Боруссия” жамоаси билан куч синашади. Учрашув 1 июнь куни “Уэмбли”да бўлиб ўтади.
