"Наполи" Хвича Кварацхелия трансфери учун 100 миллион евродан кўпроқ пул талаб қилади.
Олдинроқ "Наполи" вингерига "ПСЖ" ва "Барселона" клублари қизиқиш билдираётгани маълум бўлганди.
Correira Dello Sport хабарига кўра, итальян клуби футболчини 120-130 миллион еврога баҳоламоқда. Айни пайтда неаполликлар президенти Аурелио Де Лаурентис уни қўйиб юборишни истамаяпти.
"Наполи" грузиялик футболчи билан шартномани узайтирмоқчи. "Рома" билан ўйин (2:2) олдидан клуб вакиллари агент Мамука Жугели ва Хвичанинг отаси билан музокара олиб боришди. Тез орада улар яна учрашади.
А Сериянинг жорий мавсумида Кварацхелия 31 ўйин ўтказиб, 10 гол ва 6 голга ассистентлик қилган.
