Испания терма жамоаси ва «Севилья» клуби ҳужумчиси Алваро Негредо фаолиятини Англияда давом эттирмоқчи эканини таъкидлаб ўтди. Ўз навбатида клуб ҳам иқтисодий масала сабаб уни қўйиб юборишга қарши эмас.

«Менга премьер-лига ёқишини доим айтганман ва буни яшириб ўтирмайман. Бу қачон амалга ошишини билмайман, лекин бир кун келиб мен у ерда ўйнайман.

Президентимиз бир нечта таклифларни қабул қилди, лекин ҳали розилик билдиргани йўқ. Шахсан ўзимга ҳеч ким таклиф билан чиқмади. Биз сўз билан айтганда, ҳали Англияга ўтиш учун яхши имконият бўлгани йўқ. Келажакда нима бўлишини билмайман. Бу клубнинг эҳтиёжларидан келиб чиқади»,- дейди футболчи.