"Бавария" ўз сафига 17 ёшли вундеркинд Эстевао Виллианни қўшиб олишни режалаштирмоқда.
"Палмейрас" вингери, ишончли маълумотларга кўра, "Челси" билан шахсий келишувга эришган. Журналист Тиаго Фернандеснинг сўзларига кўра, “Бавария” ўсиб бораётган юлдузни лондонликлардан тортиб олишни истамоқда – мюнхенликлар эҳтимолий бонусларни ҳисобга олган ҳолда жами 60 миллион евро тўлашга тайёр. "Челси" 25 миллион евро қўшимчалар билан атиги 35 миллион евро миқдоридаги тўловларни таклиф қилди.
Эстевао Виллиан "Мессиньо" (кичик Месси) лақаби билан машҳур. Бразилиялик ёш футболчи “Палмейрас”нинг асосий таркибида 14 та ўйинда майдонга тушиб, 3 та гол урди ва битта голли узатмани амалга оширди.
