Мадриднинг "Реал" клуби бош мураббийи Карло Анчелотти ярим ҳимоячи Жуд Беллингемнинг жисмоний ҳолати ҳақида гапирди.
Аввалроқ, англиялик футболчига ўйнаш учун оғриқ қолдирувчи инъекциялар қўллаш кераклиги ҳақида маълумотлар пайдо бўлган эди.
"Беллингем яхши. У бошқалар каби дам олади. Унга бошқа ўйинчиларга нисбатан кўпроқ ёки камроқ дам олиш вақти керак эмас. Қолган тўртта ўйинда ротациядан фойдаланаман ва у ҳам ротациянинг бир қисми бўлади", - деди Анчелотти матбуот анжуманида журналистларга.
11-май, шанба куни "Реал" Испания чемпионати доирасида "Гранада"ни меҳмонда ўтказади.
