"Жирона" ҳужумчиси Артём Довбик фаолиятини Италияда давом эттириши мумкин.
Италия матбуоти хабарига кўра, "Наполи" "Жирона"га Украина терма жамоаси футболчисини сотиб олиш таклифи билан чиққан, бироқ 26 ёшли ҳужумчининг ўзи ҳозирда "Жирона"да камида яна бир мавсум қолишни режалаштирмоқда.
Футболчининг хизматларига "Ювентус" ҳам қизиқмоқда. Ла Лиганинг жорий мавсумида Довбик 32 ўйинда қатнашиб, 20 бор рақиблар дарвозасига аниқ зарба йўллаган. Футболчи Испания чемпионатининг энг яхши тўпурари ҳисобланади. Довбикнинг "Жирона" билан шартномаси 2028 йилгача мўлжалланган ва ҳужумчининг трансфер нархи 30 миллион еврога баҳоланмоқда.
