"Jirona" hujumchisi Artyom Dovbik faoliyatini Italiyada davom ettirishi mumkin.

Italiya matbuoti xabariga ko‘ra, "Napoli" "Jirona"ga Ukraina terma jamoasi futbolchisini sotib olish taklifi bilan chiqqan, biroq 26 yoshli hujumchining o‘zi hozirda "Jirona"da kamida yana bir mavsum qolishni rejalashtirmoqda.

Futbolchining xizmatlariga "Yuventus" ham qiziqmoqda. La Liganing joriy mavsumida Dovbik 32 o‘yinda qatnashib, 20 bor raqiblar darvozasiga aniq zarba yo‘llagan. Futbolchi Ispaniya chempionatining eng yaxshi to‘purari hisoblanadi. Dovbikning "Jirona" bilan shartnomasi 2028 yilgacha mo‘ljallangan va hujumchining transfer narxi 30 million yevroga baholanmoqda.