"Барселона" ҳужумчи Жоау Феликс ва қанот ҳимоячиси Жоау Канселуни сақлаб қолишга ҳаракат қилади.
Каталония гранди иккала португалияликнинг ижара муддатини узайтиришдан манфаатдор, аммо бу борада улар ўзига катта харажатларга йўл қўймайди, дея хабар беради Managing Barca. Иккала ҳолатда ҳам шартнома фақат "Барселона"га қулай шартларда тузилиши мумкин. Клуб ўз имкониятларидан ташқарига чиқиш ниятида эмас.
Эслатиб ўтамиз, "Атлетико Мадрид" Жоау Феликс ҳуқуқларига эга, Жоау Канселу эса "Манчестер Сити"га тегишли. Иккала футболчи ҳам ўз клубларига қайтишни истамаяпти ва "Барселона"да ўйнашни давом эттиришга тайёр эканликларини бир неча бор билдиришган.
