Собиқ инглиз футболчиси Жейми Каррагер Кай Ҳаверцнинг ҳозирги "Арсенал" учун ўрни муҳимлигини таъкидлади.
“Канонирлар” 2024-йил бошидан буён АПЛ доирасидаги 16 ўйиннинг 14 тасида ғалаба қозонишди. Микель Артета жамоаси мавсум якунланишига икки тур қолганда турнир жадвалида пешқадамлик қилмоқда ва битта ўйин кам ўтказган “Манчестер Сити”дан бир очко олдинда.
"Арсенал" 2024 йилда мавсумнинг биринчи ярмидан кўра кучлироқ бўлади ва бунинг асосий сабабларидан бири Хаверцнинг роли.
Аввалига улар унинг устидан кулишди, аммо ҳозир унинг марказий ҳужумчи эканлигини кўряпмиз. У ажойиб тўпурар бўлади демайман, лекин у "Арсенал"га кучли бўлишига ёрдам бермоқда. Айнан шу омил жамоага Премьер-лигада ғалаба қозониш учун ажойиб имконият беради", - деди Каррагер.
