"ПСЖ" ярим ҳимоячиси Хави Симонс ўзини Англия чемпионатида синаб кўрмоқчи. Нидерландиялик футболчи ҳозирда «РБ Лейпциг»да ижара асосида ўйнамоқда.
Парижликлар 21 ёшли футболчи ҳали ўз келажаги ҳақида бир қарорга келмаган бўлса ҳам уни яна ўз сафларида кўришни хоҳлашади.
Журналист Марк Мешеноиснинг сўзларига кўра, якуний сўз Симонснинг ўзида қолади. Агар футболчи кетишга қарор қилса, «ПСЖ» уни 80 миллион еврога сотишга тайёр. Қайта ижарага олиш имкониятини истисно қилиб бўлмайди.
Бироқ Симонснинг ўзи АПЛда ўйнашни истайди. Унга "Арсенал" ҳамда "Ман Сити" қизиқиш билдирган.
