“Интер Майами” меҳмонда “Монреал Импакт”ни 3:2 ҳисобида мағлуб этди.
Учрашув давомида аргентиналик ҳужумчи Лионель Месси МЛСдаги янгиликдан норози бўлди. Бир эпизодда Лео энгил жароҳатлар олди ва шифокорлар ёрдамига мурожаат қилишга мажбур бўлди, шундан сўнг аргентиналик футболчига узоқ вақт майдонга қайтишга рухсат берилмади.
Гап шундаки, Лиганинг янги қоидаларига кўра, футболчи тиббий ёрдамга мурожаат қилса, майдонни тарк этиши ва камида икки дақиқа ўйиндан ташқарида қолиши керак. Майдон четида турган аргентиналик футболчи камераларга қаради ва ўз норозилигини билдирди.
"Бу қоидалар билан ишлар ёмон ҳолатга кетади", дея хафа бўлди аргентиналик футболчи.
