“Inter Mayami” mehmonda “Monreal Impakt”ni 3:2 hisobida mag‘lub etdi.
Uchrashuv davomida argentinalik hujumchi Lionel Messi MLSdagi yangilikdan norozi bo‘ldi. Bir epizodda Leo engil jarohatlar oldi va shifokorlar yordamiga murojaat qilishga majbur bo‘ldi, shundan so‘ng argentinalik futbolchiga uzoq vaqt maydonga qaytishga ruxsat berilmadi.
Gap shundaki, Liganing yangi qoidalariga ko‘ra, futbolchi tibbiy yordamga murojaat qilsa, maydonni tark etishi va kamida ikki daqiqa o‘yindan tashqarida qolishi kerak. Maydon chetida turgan argentinalik futbolchi kameralarga qaradi va o‘z noroziligini bildirdi.
"Bu qoidalar bilan ishlar yomon holatga ketadi", deya xafa bo‘ldi argentinalik futbolchi.
