Америка Кубогига ҳали бир ой вақт бор, бироқ Бразилия терма жамоаси турнир учун аллақачон қайдномасини эълон қилган. Унга Англиянинг “Тоттенхэм” клуби ҳужумчиси Ришарлисон киритилмаган. Бу ҳақда "Селеcао" бош мураббийи Доривал Жуниор изоҳ берди.
“Ришарлисон болдиридан жароҳат олган. Клуб ҳозирча бу ҳақда расмий баёнот бергани йўқ, бироқ биз футболчи билан боғландик ва у бу ҳақда бизга маълум қилди”, — дея Доривал сўзларини келтирмоқда Goal портали.
Бразилия терма жамоаси Америка кубоги гуруҳ босқичида Колумбия, Парагвай ва Коста-Рика билан куч синашади. Турнир 20 июндан 14 июлга қадар бўлиб ўтади.
