"Реал"нинг хорватиялик ярим ҳимоячиси Лука Модрич клубдаги келажаги борасида бир қарорга келди.

Diario AS хабарига кўра, 38 ёшли футболчи "Реал" билан шартномасини узайтирмоқчи. Қайд этилишича, бир ой олдин Модрич "Лос-Бланкос" лагерини тарк этиш ҳақида ўйлаган, бироқ Чемпионлар лигаси финалига чиққанидан кейин футболчи фикридан қайтган. Ҳозир ярим ҳимоячи ротация ўйинчиси бўлишга тайёр, дея қайд этади манба.

Қайд этилишича, "Реал" бош мураббийи Карло Анчелотти Модрични жамоада сақлаб қолмоқчи.

Жорий мавсумда футболчи барча турнирларни ҳисобга олган ҳолда 43 та учрашувда майдонга тушиб, 2 та гол урди ва 8 та голли узатмани амалга оширди.