"Реал Мадрид" раҳбарияти германиялик ярим ҳимоячи Тони Кроосни жамоада сақлаб қолмоқчи. AS хабарига кўра, "қироллик" клуби 34 ёшли футболчига ҳамкорликни бир мавсумга узайтиришни таклиф қилган.
Кроос ҳали якуний қарорга келмаган, аммо клуб немис футболчиси таклифни қабул қилишини кутмоқда. Тони 2014 йилдан бери "Лос-Бланкос" футболчиси ҳисобланади.
Унинг бозор қиймати ҳозирда 12 миллион еврога баҳоланмоқда. Испания чемпионатининг жорий мавсумида ярим ҳимоячи 31 та ўйинда майдонга тушди. Кроосда битта гол ва еттита голли узатма бор.
