Сўнгги ҳафталарда миш-мишлар "Ливерпуль" ҳужумчиси Луис Диасни "Барселона" ва "ПСЖ" каби клублар билан боғлашди. Колумбиялик футболчи ўз фикрларини билдириб ўтди ва "Ливерпул"да ўйнашдан хурсанд эканлигини айтди.
“Ҳеч кимга сир эмаски, биз мавсумни ўзимиз кутгандек якунлай олмадик. Биз лигада ва ўзимиз иштирок этган бошқа мусобақаларда ғолиб чиқишни хоҳлагандик. Афсуски, охирги пайтларда натижага эриша олмадик.
Аммо шу билан бирга, якка тартибда ҳам, жамоа сифатида ҳам муносиб мавсум ўтказдик. Яхшилаш мумкин бўлган кўп нарсалар мавжуд. Мен бу ерда эканлигимдан хурсандман ва мамнунман”, деди Диас.
