"Манчестер Юнайтед" Премьер-лига мавсумидаги мағлубиятлар сони бўйича антирекордни янгилади.
Бугун бош мураббий Эрик тен Хаг шогирдлари АПЛнинг 37-тури доирасида ўз майдонида "Арсенал"га (0:1) мағлуб бўлди.
Бу мағлубият жамоанинг жорий мавсумдаги 14-мағлубияти бўлди, бу клубнинг антирекорди ҳисобланади - 2013/14 ва 2021/22 йилги мавсумларда жамоа 12 марта мағлубиятга учраган.
"МЮ" тарихидаги энг ёмон натижа 1989/90 йилги мавсумдаги 16 та мағлубият - ўшанда клуб турнир жадвалида 13-ўринни эгаллаган.
"Манчестер Юнайтед" айни дамда АПЛ турнир жадвалида 36 турдан кейин 54 очко билан 8-ўринда бормоқда.
