Мадриднинг “Реал” клуби дарвозабони Тибо Куртуа Ла Лига чемпионлигини нишонлаш вақтида клуб мухлисларига мурожаат қилди. Бир кун аввал "қаймоқранглилар"га кубок топширилганди.
“Мен ҳозир жуда хурсандман. Гарчи бор-йўғи бир нечта ўйин ўтказган бўлсам ҳам, бу мен учун навбатдаги ғалаба, янги шахсий кубок. Жамоа бутун мавсум давомида яхши ўйнади. Биз кам гол ўтказиб юбордик, шунинг учун ҳам ҳозир шу ердамиз. "Реал Мадрид" Чемпионлар Лигаси финалида. Умид қиламанки, биз байрамни 2 июнь куни ҳам давом эттирамиз”, - деди бельгиялик футболчи.
Мадриднинг “Реал” клуби Чемпионлар лигаси финалида Дортмунднинг “Боруссия” жамоасига қарши майдонга тушади. Ўйин 1 июнь куни Лондонда бўлиб ўтади.
