"Манчестер Юнайтед" ҳужумчи Мейсон Гринвудни "Барселона"га сотишни кўриб чиқмоқда. Шу билан бирга, манкунианликлар "кўк-анорранглилар" билан потенциал алмашинувни муҳокама қилишга тайёр.
Mundo Deportivo хабарига кўра, "Манчестер Юнайтед" январдаги трансферидан кейин жуда кам ўйин амалиётига эга бўлган "Барселона" ҳужумчиси Витор Роке эвазига Гринвудни қўйиб юборишга тайёр.
Аввалроқ, бразилияликнинг агенти мижози раҳбариятдан маълум кафолатлар олмаса, ёзда "Барселона"ни тарк этишини маълум қилганди. Гринвуд жорий мавсумни “Хетафе” сафида ижарада ўтказди ва у Ла Лиганинг 30 та ўйинида 8 та гол ва 6 та голли узатмани амалга оширди. Роке Испания чемпионатида 11 та ўйин ўтказиб, 2 та гол урган.
