Мадриднинг “Реал” клуби раҳбарияти 32 ёшли ҳимоячи Даниэль Карвахаль билан шартномани узайтириш фикрида, деб хабар бермоқда Испаниянинг Relevo интернет нашри.
Манбага кўра, Дортмунднинг "Боруссия"си билан яқинлашиб келаётган Чемпионлар лигаси финалига қарамай, клуб испаниялик футболчини шартномасининг тугашини кутмасдан, ажойиб мавсум учун мукофотламоқчи.
Шунингдек, раҳбариятда унга бир йилдан ортиқ муддатга шартнома беришни таклиф қилаётганлар борлиги, бу одатда ўз ёшидаги футболчилар учун амалга оширилмагани маълум бўлди.
Ҳимоячи Даниэль Карвахаль "Реал Мадрид" тизимининг маҳсули ҳисобланади. Жорий мавсумда у клуб сафида барча турнирларда 38 та ўйинда майдонга тушиб, 5 та гол ва 5 та голли узатмага муаллифлик қилган.
