Германия терма жамоаси бош мураббийи Юлиан Нагельсманн Евро-2024 мусобақасига штутгартлик ҳужумчини жалб этишга қарор қилди. Гап жорий мавсумда швабияликлар сафида ижара асосида ўйнаган 27 ёшли Дениз Ундав ҳақида кетмоқда.
Ундав бу мавсумда Германия Бундеслигасининг энг сермаҳсул футболчиларидан бирига айланди. Ҳужумчи Германия чемпионатида 18 та гол урди ва 9 та голли узатмани амалга оширди.
Ундав яқинда Германия терма жамоасида дебют қилди, шунинг учун футболчи аллақачон мураббийлар штаби ва кўплаб жамоадошлари билан таниш.