Килиан Мбаппе Лига 1'нинг 32-туридан ўрин олган "Ницца"га қарши ўйин олдидан жамоасининг машғулотларини ўтказиб юборди. Бу ҳақда Париж клуби матбуот хизмати хабар берди.

Маълумотларга кўра, Мбаппе чап сон қисмидаги ноқулайликдан азият чекмоқда. Клуб форвардни бугун жамоа машғулотларида иштирок этишига рухсат бермай, даволаниш учун қолдирди.

Қайд этиш керакки, Кейлор Навас, Усмон Дембеле, Лукас Эрнандес ҳам “Ницца” билан учрашув олдидан машғулотларни ўтказиб юборган.

Жорий мавсумда франциялик футболчи "ПСЖ" сафида барча турнирларда 47 та ўйин ўтказиб, 44 та гол ва 10 та голли узатмани амалга оширган.