"Манчестер Сити" бош мураббийи Пеп Гвардиола АПЛ доирасида "Тоттенхэм"га қарши ўйинда дарвозабон Эдерсоннинг алмаштирилганини тушунтирди.
Хабарингиз бор, бразилиялик футболчи рақиб билан аламли тўқнашувдан сўнг кўп ўтмай алмаштирилди.
Шу билан бирга, Эдерсон майдонни тарк этганидан норози эди.
“Эдерсоннинг мияси чайқалмаган. Унинг кўзлари билан боғлиқ муаммолар бор эди. У яхши кўра олмади, шунинг учун шифокор уни алмаштириш кераклигини айтди. Унинг кўзига зарба беришди ва у шишиб кетганди.
Шифокор алмаштиришим кераклигини айтди, бошқа иложим йўқ", - деди Гвардиола ўйиндан кейинги интервьюда.
