"Manchester Siti" bosh murabbiyi Pep Gvardiola APL doirasida "Tottenxem"ga qarshi o‘yinda darvozabon Edersonning almashtirilganini tushuntirdi.

Xabaringiz bor, braziliyalik futbolchi raqib bilan alamli to‘qnashuvdan so‘ng ko‘p o‘tmay almashtirildi.

Shu bilan birga, Ederson maydonni tark etganidan norozi edi.

“Edersonning miyasi chayqalmagan. Uning ko‘zlari bilan bog‘liq muammolar bor edi. U yaxshi ko‘ra olmadi, shuning uchun shifokor uni almashtirish kerakligini aytdi. Uning ko‘ziga zarba berishdi va u shishib ketgandi.

Shifokor almashtirishim kerakligini aytdi, boshqa ilojim yo‘q", - dedi Gvardiola o‘yindan keyingi intervyuda.