"Барселона" бош мураббийи Хави Каталония жамоасининг янги футболчиси, бразилиялик ёш ҳужумчи Витор Рокенинг ўйин вақти ҳақида гапирди.

"Гап шундаки, дастлаб Витор Роке январда эмас, июлда сафимизга қўшилиши режалаштирилган эди, аммо жароҳатлар туфайли биз бу келишувни амалга оширишга мажбур бўлдик. Биз Виторни кутган эдик, лекин у ҳали ҳам ривожланиши ва кўп нарсаларни ўрганиши керак. Жамоамизда у ҳали ўрнини боса олмайдиган кўплаб кучли ва муҳим ўйинчилар бор", - деди Хави.

19 ёшли футболчи 2024 йилнинг январида "Атлетико Паранаэнсе"дан "Барселона"га ўтган эди.