"Аталанта" бош мураббийи Жан Пьеро Гасперини жамоасининг Италия кубоги финалида "Ювентус"дан учралган мағлубият (0:1) ҳақида фикр билдирди.
“Биз тезда олдинга чиқиб олган ва жуда яхши ҳимояланган кучли рақибга қарши турдик. Ўйлайманки, "Аталанта" яхши ўйнади, бизда узоқ вақт ташаббус бор эди, лекин кўп голли вазиятлар ярата олмадик, аммо вазиятни яхши томонга қайтариш учун имкониятлар бор эди.
Мағлубиятдан мамнун эмасмиз, лекин ўйинимиздан унчалик ҳафсаламиз пир эмас. Бизда ҳали А Серия ва Европа Лигасида эришилиши керак бўлган муҳим мақсадлар бор", - деди Гасперини.
“Ювентус” ўз тарихида 15-марта Италия кубогини қўлга киритди.
