"Манчестер Юнайтед" бош мураббийи Эрик Тен Хагнинг ўз ишини сақлаб қолиш имконияти "50/50"га баҳоланмоқда.
Тен Хаг бир неча ой давомида ёмон натижалар туфайли жуда катта босим остида эди, аммо "Юнайтед"нинг режаси ҳар доим Эрикнинг келажаги ҳақида фақат мавсум тугаганидан кейин қарор қабул қилиш эди.
The Guardian хабарига кўра, Тен Хаг бўйича қарор 25 май куни "Манчестер Сити"га қарши Англия кубоги финалидан сўнг яқин кунларда қабул қилинади.
Тен Хагнинг истеъфодан қутулиб қолиш имконияти ҳозирда 50/50, бироқ Эрик "Уэмбли"да соврин ютиб, ўз позициясини мустаҳкамлаши мумкин.
Агар "Юнайтед" келаси йили шартномаси тугайдиган Тен Хагни бўшатишга қарор қилса, Эрикнинг ўрнини Киран Маккенна, Томас Франк, Томас Тухель, Грэм Поттер ва Гарет Саутгейтдан бири эгаллаши мумкин.
