Англиянинг "Арсенал" клуби расмий сайтида жамоа 2024/2025 йилги мавсумда фойдаланадиган янги уй либосини тақдим этди.
"Клубимизнинг асосий рамзи шарафига 1989/1990 йилги мавсумдан бери биринчи марта тўп тасвири туширилган уй либосимизни тақдим этяпмиз.
Уй либослари футболчиларимизга босим остида ўйнашга ишонч ҳосил қилиш учун яратилган. Ушбу енгил формада энг сўнгги Аdidas технологияси мавжуд бўлиб, у "Арсенал"нинг эркаклар ва аёллар жамоалари билан яқин ҳамкорликда яратилган", - дейилади клуб баёнотида.
"Арсенал" Англия чемпионатининг 2023/2024 йилги мавсуми учун турнир жадвалида иккинчи ўринда бормоқда. Жамоа 37 учрашувда 86 очко жамғарган. “Канонирлар” “Манчестер Сити”дан икки очко ортда қолмоқда.
