Суперлига-2023нинг энг чиройли голини урган Ўринбоев ўз совринини қабул қилиб олди.

Суперлиганинг 2023 йилги мавсуми якунларига кўра Рубен Хебай энг яхши футболчи ва Виталий Левченко энг яхши мураббий совринларини қабул қилиб олганди.

Энг чиройли гол соврини учун ҳам кураш қизғин кечган бўлиб, якунда "Металлург" футболчиси Забиҳилло Ўринбоевнинг "Сўғдиёна" дарвозасига киритган тўпи экспертлар томонидан мавсум голи деб топилганди. Бироқ соврин эгаси узоқ вақт Тошкентда бўла олмаганидан келиб чиқиб, Лига хабарни кечроқ эълон қилди.

Забиҳилло Ўринбоев ўтган йилги мавсум сўнгида жиддий жароҳат олиб сафдан чиқди ва узоқ муддат хорижда даъволанди. Мазкур ҳафта футболчи ва ниҳоят ўз совринини қабул қилиб олди.