Лондоннинг "Арсенал" клубининг эски футболчиларидан бири Муҳаммад Эл-Ненни мавсум якунида жамоани тарк этади. Бу ҳақда мисрлик футболчи видео орқали маълум қилди.
Видеода ярим ҳимоячи "Арсенал" мухлисларига кўп йиллик қўллаб-қувватлаганликлари учун миннатдорчилик билдириб, сўнгра клубни тарк этишини маълум қилди.
Эслатиб ўтамиз, мисрлик футболчи 2016 йилдан буён "Арсенал"да ўйнаб келмоқда. У клубга ҳали афсонавий Арсен Венгер бошчилик қилаётган пайтда келган, ҳозирги мураббий Микель Артета у билан ўша пайтда жамоадош эди. Йиллар ўтиб, Артета қўл остида, мисрлик футболчи ўйин вақтини йўқота бошлади. Жорий мавсумда у барча мусобақаларда олтита ўйинда майдонга тушди.
