"Челси"нинг ҳужумкор ярим ҳимоячиси Коул Палмер жорий мавсум якунида Англия Премьер-лигасининг энг яхши ёш футболчиси совринини олди. Бу ҳақда Лондон клуби расмий сайти хабар бермоқда.
Англия чемпионатининг жорий мавсумида 22 ёшли футболчи 33 та учрашувда иштирок этиб, 22 та гол ва 10 та голли узатмани амалга оширди.
Ушбу мукофот биринчи марта 2019/2020 йилги мавсум охирида, ўшанда "Ливерпул"нинг ўнг қанот ҳимоячиси Трент Александр-Арнольд олган эди. Шу тариқа Коул Палмер "Челси" тарихида ушбу совринни қўлга киритган биринчи футболчига айланди.
Палмер ўтган ёзда "Манчестер Сити"дан Лондон клубига ўтган эди.
