«Штутгарт» ҳужумчиси Серу Гирасси фаолиятини Италия чемпионатида давом эттириши мумкин.
Foot Mercato хабарига кўра, ёзда кетадиган Оливье Жиру ўрнига ўринбосар қидираётган Италия клуби "Штутгарт" футболчиси учун курашда етакчилик қилмоқда.
Футболчининг немис клуби билан шартномасида товон пули кўрсатилган бўлиб, у 17,5 миллион еврони ташкил қилади.
Жорий мавсумда Гирасси “Штутгарт” сафида барча турнирлар доирасида 29 та ўйинда майдонга тушиб, 28 та гол урди ва 3 та голли узатмани амалга оширди.
Унинг "Штутгарт" билан шартномаси 2026 йилнинг ёзига қадар мўлжалланган ва трансфер нархи 40 миллион еврога баҳоланмоқда.
