Афинанинг "Панатинаикос" клуби бош мураббийи Фотиҳ Терим жамоани тарк этади. Бу ҳақда пойтахт жамоаси матбуот хизмати расман хабар берди.

“Император” лақабли тажрибали мураббий “Панатинаикос”ни 2024 йил бошида қабул қилиб олганди. У билан Греция чемпионати тугашига бир тур қолганида афиналиклар чемпионлик учун курашаётган жамоалар гуруҳида 71 очко билан атиги тўртинчи ўринни эгаллаб турибди. Айтганча, “Панатинаикос” чемпионлик учун имкониятни бой берди.

Афина клубида ҳали олдинда Греция кубоги финали бор, “Панатинаикос” бу финални Салоникининг “Арис” клубига қарши ўтказади.