"Аталанта" келаси мавсумда Чемпионлар лигасида ўйнайди.
Жан-Пьеро Гасперини шогирдлари кеча "Лечче"ни мағлуб этишди (2:0) ва камида бешинчи ўринни кафолатлади - бу уларга кейинги мавсумда Чемпионлар лигасида қатнашиш ҳуқуқини беради.
Бергамоликлар охирги марта 2021/22 йилги мавсумда асосий еврокубок турнирида иштирок этишган.
Эслатиб ўтамиз, Италия шарафини Чемпионлар лигасида олтита жамоа ҳимоя қилиши мумкин. Агар "Аталанта" Европа лигасида ғолиб чиқса ва бешинчи ўринни сақлаб қолса, бу мумкин бўлади - у ҳолда А серияда олтинчи ўринни эгаллаган жамоа ҳам Чемпионлар лигасига йўл олади.
