Машҳур ирландиялик аралаш яккакураш жангчиси Конор Макгрегор украиналик Александр Усик ва британиялик Тайсон Фьюри иштирокида қандай жанглар ташкил этилиши мумкинлигини айтди.

“Усик ақл бовар қилмайдиган спортчи. У Жошуани ҳам, Фьюрини ҳам мағлуб этди. Энтони Усик билан иккита жанг ўтказди, нега Тайсонга яна бир имконият бермайсиз? ЭЖ ва Усик ўртасида трилогия яратиш мантиқан тўғри.

Ушбу оғир вазндаги жанглар даврида иштирок этган барчага ҳаммасини амалга оширгани учун раҳмат”, - деб ёзди Конор ўзининг ижтимоий тармоғида.

Аввалроқ Усик британиялик Тайсон Фьюри билан жанг қилган эди. Жанг 12 раунд давом этди ва Усик ҳакамларнинг бўлинган қарори билан ғалаба қозонди.

Тўққизинчи раундда Усик Фьюрини нокаутга учратди, аммо британиялик ўзини тиклаб, курашни давом эттира олди.

Усик 25 йил ичида биринчи бор оғир вазнда мутлақ жаҳон чемпионига айланди. У профессионал фаолиятида 22 та жанг ўтказган ва бирорта ҳам мағлубият аламини тотиб кўрмаган.