Mashhur irlandiyalik aralash yakkakurash jangchisi Konor Makgregor ukrainalik Aleksandr Usik va britaniyalik Tayson Fyuri ishtirokida qanday janglar tashkil etilishi mumkinligini aytdi.
“Usik aql bovar qilmaydigan sportchi. U Joshuani ham, Fyurini ham mag‘lub etdi. Entoni Usik bilan ikkita jang o‘tkazdi, nega Taysonga yana bir imkoniyat bermaysiz? EJ va Usik o‘rtasida trilogiya yaratish mantiqan to‘g‘ri.
Ushbu og‘ir vazndagi janglar davrida ishtirok etgan barchaga hammasini amalga oshirgani uchun rahmat”, - deb yozdi Konor o‘zining ijtimoiy tarmog‘ida.
Avvalroq Usik britaniyalik Tayson Fyuri bilan jang qilgan edi. Jang 12 raund davom etdi va Usik hakamlarning bo‘lingan qarori bilan g‘alaba qozondi.
To‘qqizinchi raundda Usik Fyurini nokautga uchratdi, ammo britaniyalik o‘zini tiklab, kurashni davom ettira oldi.
Usik 25 yil ichida birinchi bor og‘ir vaznda mutlaq jahon chempioniga aylandi. U professional faoliyatida 22 ta jang o‘tkazgan va birorta ham mag‘lubiyat alamini totib ko‘rmagan.
