"Лорьян" Франция олий лигасида қолишга яқин келганди, аммо барибир қуйи лигага тушиб кетди.

Режис Ле Бри шогирдлари сўнгги турда “Клермон”ни мағлубиятга учратиб (5:0) ва “ПСЖ”га ютқазган (0:2) “Метц”га етиб олди.

Уларда урилган ва ўтказиб юборилган тўплар фарқи бир хил (-23), тўқнаш келган ўйинларда эса ғалаба алмашишганди (3:2 ва 1:2).

"Метц" сафарда кўпроқ гол ургани учун "Лорьян"дан юқори ўринни эгаллади. Шундай қилиб, ҳамма нарса бешинчи қўшимча кўрсаткич асосида ҳал қилинди.

Ласло Болони шогирдлари ўтиш ўйинларининг финалида "Сент-Этьен" - "Родез"/"Париж" ярим финали ғолиби билан ўйнайди.

"Лорьян" тўғридан-тўғри иккинчи дивизионга йўл олади.