Қозоннинг "Рубин" клубида ўйнаётган ҳамюртимиз Умарали Раҳмоналиев Россия чемпионати 29-тури доирасидаги "Спартак"дан учралган мағлубият (1:3) ҳақида ўз фикрлари билан ўртоқлашди.

"Ўйлайманки, бу ўйинда ўз имкониятларимизни рўёбга чиқариш, шунингдек, ҳимояда юз фоиз ўйнаш имконияти етишмади", - деди Раҳмоналиев Россиянинг "Чемпионат" интернет нашрига.

Футболчи, шунингдек, ўтказиб юборилган голларда фақат жамоаси дарвозабони Юрий Дупинни айбламасликка чақирди ва натижа учун бутун жамоа жавобгарлигини таъкидлади.

РПЛнинг 29-туридан кейин “Рубин” 41 очко билан турнир жадвалида саккизинчи ўринни эгаллаб турибди. Қозонликлар жорий мавсумдаги сўнгги ўйинини 25 май куни “Сочи”га қарши ўтказади.