Qozonning "Rubin" klubida o‘ynayotgan hamyurtimiz Umarali Rahmonaliyev Rossiya chempionati 29-turi doirasidagi "Spartak"dan uchralgan mag‘lubiyat (1:3) haqida o‘z fikrlari bilan o‘rtoqlashdi.
"O‘ylaymanki, bu o‘yinda o‘z imkoniyatlarimizni ro‘yobga chiqarish, shuningdek, himoyada yuz foiz o‘ynash imkoniyati yetishmadi", - dedi Rahmonaliyev Rossiyaning "Chempionat" internet nashriga.
Futbolchi, shuningdek, o‘tkazib yuborilgan gollarda faqat jamoasi darvozaboni Yuriy Dupinni ayblamaslikka chaqirdi va natija uchun butun jamoa javobgarligini ta’kidladi.
RPLning 29-turidan keyin “Rubin” 41 ochko bilan turnir jadvalida sakkizinchi o‘rinni egallab turibdi. Qozonliklar joriy mavsumdagi so‘nggi o‘yinini 25 may kuni “Sochi”ga qarshi o‘tkazadi.
