Карим Бензема Саудия Арабистонини тарк этмоқчи.
Relevo хабарига кўра, футболчи мамлакат олий лигаси савияси, профессионаллик ва инфратузилма йўқлигидан ҳафсаласи пир бўлган. Унинг фикрича, "Реал" ва Франция терма жамоасидаги фаолияти билан таққослаш, танқидларга дош беролмайди.
Шу муносабат билан ўтган ёзда "Ал-Иттиҳод" сафига қўшилган франциялик футболчи кетишни истамоқда. Бироқ буни амалга ошириш қийин бўлади, чунки унинг юқори маошли шартномаси 2026 йилгача мўлжалланган. Қолаверса, Бенземанинг кетиши футболчига катта маблағ сарфлаган маҳаллий раҳбарлар томонидан ҳақорат сифатида баҳоланиши мумкин.
Таъкидланишича, энг яхши ҳолатда унга яхши таркиби бор ва турнир жадвалида юқори ўринни эгаллаган Саудиянинг бошқа клубига ўтишга рухсат берилиши мумкин. “Ал-Иттиҳод” чемпионатда бешинчи ўринда бормоқда, “Ал-Ҳилол” эса муддатидан аввал чемпионликни қўлга киритди.
Франциялик ҳужумчи жорий мавсум давомида ўтказган ўйинлари учун танқидларга учради. Айни дамда у мушакларининг зўриқишидан тузалмоқда.
Мавсум давомида 36 ёшли футболчи барча турнирларда 29та ўйин ўтказиб, 13та гол урди ва 8та голли узатмани амалга оширди.
