Karim Benzema Saudiya Arabistonini tark etmoqchi.

Relevo xabariga ko‘ra, futbolchi mamlakat oliy ligasi saviyasi, professionallik va infratuzilma yo‘qligidan hafsalasi pir bo‘lgan. Uning fikricha, "Real" va Fransiya terma jamoasidagi faoliyati bilan taqqoslash, tanqidlarga dosh berolmaydi.

Shu munosabat bilan o‘tgan yozda "Al-Ittihod" safiga qo‘shilgan fransiyalik futbolchi ketishni istamoqda. Biroq buni amalga oshirish qiyin bo‘ladi, chunki uning yuqori maoshli shartnomasi 2026 yilgacha mo‘ljallangan. Qolaversa, Benzemaning ketishi futbolchiga katta mablag‘ sarflagan mahalliy rahbarlar tomonidan haqorat sifatida baholanishi mumkin.

Ta’kidlanishicha, eng yaxshi holatda unga yaxshi tarkibi bor va turnir jadvalida yuqori o‘rinni egallagan Saudiyaning boshqa klubiga o‘tishga ruxsat berilishi mumkin. “Al-Ittihod” chempionatda beshinchi o‘rinda bormoqda, “Al-Hilol” esa muddatidan avval chempionlikni qo‘lga kiritdi.

Fransiyalik hujumchi joriy mavsum davomida o‘tkazgan o‘yinlari uchun tanqidlarga uchradi. Ayni damda u mushaklarining zo‘riqishidan tuzalmoqda.

Mavsum davomida 36 yoshli futbolchi barcha turnirlarda 29ta o‘yin o‘tkazib, 13ta gol urdi va 8ta golli uzatmani amalga oshirdi.