"Тоттенхэм"нинг ўнг қанот ҳимоячиси Эмерсон Роял "Бавария" қизиқишлари рўйхатида эмас. Бразилиялик қанот ҳимоячиси январь ойида "қизил машина"нинг номзодлар рўйхатида бўлган, бироқ келишув муваффақиятсизликка учрагач, футболчи немис клубининг қизиқишлари рўйхатидан ўчирилган.

Қайд этилишича, ҳозирда "Бавария" унинг трансфери ҳақида ўйламаяпти ҳам. 25 ёшли Эмерсон ёзда "Тоттенхэм"ни тарк этиши мумкин, аммо бразилиялик футболчига қайси клублар қизиқиш билдираётгани ҳозирча номаълум.

Англия Премьер-лигасининг сўнгги мавсумида Роял битта гол урди.