Нуфузли Goal портали саҳифаларида 2023/2024 йилги мавсум якунлари бўйича Англия Премьер-лигасининг энг яхши мураббийлари рейтинги эълон қилинди.
Ушбу рейтингда биринчи ўринни "Астон Вилла" бошқарувчиси Унаи Эмери эгаллади. Goal мутахассислари унга 10 очкодан 9 очко берди. Улар Англия чемпионатида тўртинчи ўринни эгаллаб, Чемпионлар лигасига йўлланма олди.
Иккинчи ўринда “Манчестер Сити”ни кетма-кет тўртинчи марта тарихий чемпионликка олиб чиққан Пеп Гвардиола. Гвардиолага 10 баллдан 8 балл берилди. Кучли учликни "Арсенал" билан мавсум сўнггигача чемпионлик учун курашган Микель Артета якунлади. Артета ҳам 8 очкога эга.
