"Челси"нинг собиқ бош мураббийи Маурисио Почеттино Лондон жамоасидан кетиши ҳақида фикр билдирди.
21 май, сешанба куни “кўклар” раҳбарияти 52 ёшли аргентиналик мутахассис билан шартномани бекор қилганини маълум қилди.
"Челси" хўжайинлари ва спорт директорларига ушбу футбол клуби тарихининг бир қисмига айланиш имконияти учун раҳмат. Клуб келаси йилларда Премьер-лига ва еврокубокларда олдинга силжишда давом этиши учун яхши ҳолатда", - дея Почеттинонинг сўзларини келтиради "Челси" расмий сайти.
Почеттино "Челси"ни 2023 йилнинг июлидан буён бошқариб келаётганди. Унинг қўл остида жамоа 27 марта ғалаба қозонган, 10 марта дуранг ўйнаган ва 14 марта мағлубият аламини тотиб кўрган.
